Author Archives: jicholetu

About jicholetu

Iam a independent journalist .I live in Songea City Southern part of Tanzania

Mchawi wa umeme Songea abainika

Standard

 

Mashine mpya aina ya ABC ambayo ilitolewa katika ahadi za Rais Jakaya Kikwete tayari imefungwa kwa lengo la kupunguza tatizo la umeme mjini Songea.Mashine hiyo ina uwezo wa kuzalisha megawati 1.6

Na Albano Midelo

UBOVU wa mashine tatu kati ya sita za kuzalishia umeme katika kituo cha TANESCO mjini Songea mkoani Ruvuma umesababisha mgawo mkali wa umeme kwa wakazi wa mji huo.

Uchunguzi umebaini kuwa mgawo wa umeme umesababisha kazi za kiuchumi kushindwa kufanyika na kusababisha baadhi ya wananchi wenye uwezo kuamua kutumia majenereta madogo huku maeneo mengi ya mji wakati wa usiku yakiwa giza kwa saa kadhaa. Read the rest of this entry

Wanawake 960 wafanyiwa ukatili Ruvuma

Standard

Mwanaharakati Fatuma Misango katikati akisikiliza  baadhi ya wanawake wakielezea ukatili wanaofanyiwa na wanaume zao.

Na Albano Midelo

MWANAHARAKATI wa haki za wanawake na watoto katika mkoa wa Ruvuma Fatuma Misango anasema takwimu za wanawake na watoto wanaofanyiwa vitendo vya ukatili mkoani humu vinatishia ustawi wa jamii.

Misango ambaye pia ni mratibu wa kituo cha msaada wa kisheria kwa wanawake na watoto( WLAC) mkoani humo anasema kwa mwaka 2010 pekee kituo hicho kilifikiwa na wanawake 960 wa mkoa huo ambao walikuwa wananyanyaswa na kuhitaji msaada wa kisheria. Read the rest of this entry

Mtalii sasa anaweza kutembea kwa miguu hifadhi ya Taifa Mikumi

Standard

 

Na Albano Midelo.

HIFADHI zilizo nyingi za  wanyamapori zilizopo hapa nchini watalii wanaruhusiwa kuangalia wanyama  wakiwa ndani ya magari ya kubeba watalii kuhofia kushambuliwa na wanyama wakali kama simba,tembo faru au chui pamoja na wanyamapori wengine.

Hata hivyo hali ni tofauti kabisa katika hifadhi ya Taifa ya mikumi iliyopo mkoani Morogoro yenye wanyama wenye mvuto wa kipekee ambao wengi wanawafurahia kuwaona hata wanapopita katika barabara kuu ya Iringa Dar es salaam ambayo inapita kwenye hifadhi ya Mikumi. Read the rest of this entry

Wanakijiji Mbinga wahofia kutoroshwa kwa makaa ya mawe

Standard
  Makaa ya mawe ya kijiji  cha Liyombo wilayani Mbinga mkoani Ruvuma.Na Albano Midelo

WANANCHI wa kijiji cha Liyombo kata ya Ruanda wilaya ya Mbinga mkoani Ruvuma wameonyesha wasiwasi wao juu ya kudaiwa kutoroshwa kwa makaa ya mawe pamoja na ulipwaji wa  fidia watakazo pata kwa mali zao,baada ya kufahamika kuwa kijiji hicho kimejengwa juu ya mwamba wa makaa ya mawe ambayo yanatarajiwa kuanza kuchimbwa kabla ya mwisho wa mwaka huu iwapo taratibu za vibali kwa mwekezaji zitakamilika.

Baadhi ya wakazi  wa  kijiji hicho kilichopo katika kata ya Ruanda ambao ni Elia Hyera,John Mbepera na Joakimu Nchimbi wakizungumzia suala hilo wametoa wito kwa serikali kusimamia na kuhakikisha wanalipwa fidia pamoja na kuwa makini na kufuatilia sampuli za makaa hayo zinazopelekwa nje ya nchi kwa madai ya kwenda kufanya utafiti wa ubora wa makaa ya mawe kabla ya kuanza kuchimbwa. Read the rest of this entry

Mtoto atelekezwa na wazazi baada ya kuzaliwa na ulemavu wa haja kubwa

Standard

   Mtoto Anna Mapunda mwenye umri wa miaka mitatu mkazi wa kijiji cha Mkako wilayani Mbinga mkoani Ruvuma akiwa na mlezi wake Veronika Milanzi ambaye ni katibu wa kanisa la TAG Ruhuwiko Songea  baada ya kutelekezwa na wazazi wake wote wawili baada ya kuzaliwa na ulemavu katika njia ya haja kubwa

Na Albano Midelo

MTOTO Anna Mapunda mwenye umri wa miaka mitatu  mkazi wa kijiji cha Mkako wilayani Mbinga mkoani Ruvuma anahitaji msaada wa matibabu katika hospitali ya Muhimbili jijini Dar es salaam baada ya kuzaliwa na ulemavu sehemu ya haja kubwa.

Mtoto huyo anasumbuliwa na tatizo la kutokwa na sehemu ya haja kubwa nje kila anapokwenda kujisaidia na kwamba sehemu hiyo hukaa nje kwa hadi saa tatu kisha huanza kurudi yenyewe taratibu ambapo mtoto huyo hupata maumivu makali. Read the rest of this entry

TACRI kanda ya kusini kuzalisha mamilioni ya miche bora ya kahawa

Standard

Picha inawaonesha baadhi ya wafanyakazi wa Taasisi ya utafiti wa zao la kahawa Tanzania TACRI wakitoe elimu ya miche bora ya kahawa ya chotara yenye uwezo wa kutoa mazao mengi na haishambuliwi na magonjwa kwa urahisi.

Na Albano midelo.

TAASISI ya utafiti wa zao la kahawa Tanzania TACRI katika kituo cha Ugano wilayani  Mbinga mkoani Ruvuma kimeweza kuzalisha miche bora ya kahawa milioni 14  katika kipindi cha miaka kumi sasa.

Mkuu wa TACRI katika kituo cha Ugano kanda ya kusini Godbless Shao  aliwaambia waandishi wa habari mjini hapa kuwa wakati Taasisi hiyo Septemba tisa mwaka huu inaadhimisha Jubilei ya miaka kumi tangu kuanza kazi ya utafiti wa zao la kahawa nchini iliyoanza rasmi mwaka 2001 ambapo katika kituo kikuu cha utafiti cha Liamungo wilayani Moshi TACRI inaazimisha miaka 77 ya utafiti wa zao la kahawa Tanzania. Read the rest of this entry

Darpori kijiji chenye watu 10,000 ambacho hakina huduma ya afya tangu uhuru

Standard

Picha inakionesha kijiji cha Darpori kilichopo wilayani Mbinga mkoani Ruvuma,kijiji hiki kina watu 10,000 kipo mpakani mwa nchi za Tanzania na Msumbiji,tangu uhuru hadi sasa kijiji hiki licha ya kuwa na utajiri wa milima yenye dhahabu na idadi kubwa ya watu hakina huduma yeyote ya afya hali ambayo inaathiri ustawi wa jamii ikiwa ni pamoja na watu kupoteza maisha. 

-Wajawazito wanasafiri kilometa 18 kufuata huduma ya uzazi

Na Albano Midelo

WAHENGA walisema tembea uone mambo,ndivyo nilivyofanya mimi kufunga safari kutoka mjini Songea hadi kufika katika kijiji cha Darpori wilayani Mbinga mkoani Ruvuma umbali wa  takribani kilometa 200.

Kijiji cha Darpori kipo mpakani mwa Tanzania na nchi ya Msumbiji ,kutoka katika kijiji hicho kueleka nchini Msumbiji kwa mguu ni dakika 60,wakazi wa kijiji hiki ni wageni ambao wamefika katika kijiji hicho kwa ajili ya kufanyakazi ya uchimbaji na ununuzi wa madini mbalimbali yakiwemo  dhahabu ambayo yanapatikana kwa wingi katika kijiji hicho. Read the rest of this entry